Buhay barko

November 1988

Natanggap ko ang telegrama na natanggap ako sa barko. Nasa Batangas ako nuon na nagbabakasiyun at sinabi ko sa aking tiyahin na titigil muna ako sa pag-aaral ng abugasiya sa Maynila dahil nag-apply ako ng trabaho sa isang shipping company. Bago pumunta ng Batangas, tinapos ko muna ang job interview ko at sabi nila malalaman ang resulta sa loob ng dalawang linggo. Nagdesisiyun akong magbakasiyun sa Batangas at tinawagan ko ang Mama ko sa Pangasinan. Sinabi ko rin sa kaniya ang desisiyun ko. Kaya nagpaalam ako sa kanila na yung pang-enroll ko na pera gagamitin ko sa isang training course sa bartending at hotel management na gaganapin sa Silahis Intercontinental Hotel sa Roxas Blvd. Natapos ang training sa loob ng isang buwan. Pumayag sila dahil magulo sa Maynila nuon at maraming pulitiko na nagbabangayan, at uso ang assasination attempt laban kay Cory. Isinaayos ko ang lahat at nagbigay ako ng abiso sa mga nagpapaaral sa akin. Pumayag sila. Pero may kaba ang Mama ko sa pagaabroad lalo na at sa barko ako magtratrabaho. Nagusap sila ng tiyahin ko at bantulot man ang Mama ko pumayag na rin siya.Nag apply ako bilang isang hotel crew.

Sumapit ang araw ng pagsampa ko sa barko. Dumating ang nanay ko na galing Pangasinan at daladala niya ang bagahe ko. Tinawagan ko siya na ipagimpake niya ako ng mga gamit ko. Binigyan ako ng Papa ko ng $500 na pocket money na just in case gastusin kong pauwi kung hindi ko magustuhan ang trabaho.Nagbenta siya ng mga kalabaw. Hindi na siya nakasama dahil bantay siya sa bahay. Kasama ng bagahe binigiyan ako ng nanay ko ng isang rosaryo at prayer book para basahin ko bago matulog sa gabi. May mga vitamins at first aid kit din na binigay sa akin.

Naghanda na ako at sinuot ko ang paborito kong pantalon na Levi’s 501, long sleeve na polo shirt at rubber shoes na Nike. Komportable ako sa suot ko. Yung jacket ko dun ko nilagay ang passport ko at flight tickets. Hindi ko na maalala kung papano ko nagawang kunin ang mga tickets ko pero ang naaalala ko ay kinuha ko sa opisina sa Malate at dun ko lahat pinirmahan ang una kong kontrata.

Maaga pa lang naghandana kami patungong NAIAA. Maluwag ang daloy ng traffic at madali kaming nakarating.Maganda ang sikat ng araw at maaliwalas ang kalangitan. Marami ng tao sa airport na mga naghahatid at sumasalubong. Kinakabahan ako sa excitement at concerned ako dahil umiiyak ang Mama ko. Sabi ko sa kaniya huwag na siyang umiyak dahil umpisa na ito ng pagbabago ng buhay namin. Malaki ang sweldo at may mga tip pa. Ang sabi nga nila, sa tip lang gaganahan ka na. Pinatahan ko ang Mama ko at niyapos ko siya ng mahigpit. Sabi ko sa kaniya, tatawagan ko siya ng madalas.Hinagkan ko ang nanay ko at naghanda na akong sumakay sa Cathay Pacific Airlines. Mag change airline sa Hong Kong kung saan naghihintay ang connecting flight ko na American Airlines papuntang Port of Tobago.

Kinakabahan ako dahil una kong sakay ng eroplano at mahaba ang biyahe. Nung magisa na ako, para akong hihimatayin sa excitement dahil unang karanasan ko ito. Sa Economy Class ako pero maluwag ang mga upuan. Nung nasa loob na ako ng eroplano naalala ko ang bilin ng Mama ko na magdasal kaya inialay ko sa panginuon ang lahat ng agam agam ko at nag wish ako na maging maayos ang biyahe namin ganun din sa pagbalik prubinsiya ni Mama.

Malamig sa loob ng eroplano at nakakanerbiyos ang pag take off ng eroplano. Marami kaming mga bagong sakay sa eroplano. Yung katabi ko domestic helper na papuntang Hong Kong at first time din niyang sumakay sa eroplano. Sa loob ko sabi ko ganito pala ang eroplano, parang lumilipad na bus. May mga flight stewardess na nagbibigay ng pagkain. Masarap ang mga menu nila. Isang oras lang nasa Hong Kong Airport na kami.

Nag transfer ako sa American Airlines, kinabahan ulit ako dahil long flight ito papuntang Port of Tobago.Duon ako magjoin ng barko kong MV Royal Viking Sky sa Carribean Island ng Trinidad and Tobago. Masarap din ang pagkain. Natulog lang ako ng kampante sa haba ng biyahe. Malamig sa eroplano. Natutuwa akong namimintana na tanaw tanaw ang kalangitan, parang mga bulak ang mga ulap. Mahab ang biyahe. Nakarating kami ng maayos. Marami kaming magjoin ng barko. Nag overnight stay ako sa Hilton. Magisa lang ako sa kwarto.

Dumating ang umaga sinalubong kami ng agent ng barko at sinakay kami sa naghihintay na van. Kitang kita ko ang Port Area kung saan nakastandby ang barko. Napalaki ng barko, 250 meters long at 150 meters ang width. Sinalubong kami ng Cruise Director at nag brief siya sa amin. Yung unang araw ng embarkation ay orientation ng cabina kung saan kami matutulog at binigay sa amin ang details ng assignments namin. Kasama duon ang mga additional jobs na kung saan required kaming magvolunteer kapag nasa port ang barko.

Inorient kami sa barko at inilibot kami sa buong barko. Sa orienttion ipinakilala kami sa mga opisiyales ng barko. Bingiyan din kami ng mga uniporme namin. Two days ang orientation. Sumapit ang pagbiyahe ng barko. Kinabahan ako dahil akala ko nakakahilo pero hindi ako tinamaan kaya nagpapasalamat ako. Unang araw sabak agad sa trabaho at nakakahilo. Nahirapan ako sa umpisa pero sa kinalaunan nasanay na ako sa loob ng isang buwan. Nalibang ako at nagkaruon ng mga kaibigan na Espaniyol. Ibat ibang lahi ang nandun at maraming mga Pilipino. Mabait sila lahat sa akin. Walong daan kaming mga crew at isang libot limang daan ang pasahero.

Dahil sa barko, nakalibot ako sa buong mundo at nakarating sa mga galaan ng mga mayayaman. Nagvolunteer akong cruise guide kapag nasa port ang barko. Marami akong tip at kasama ko ang mga pasahero sa pamamasiyal. Nagvolunteer din ako sa publishing department ng barko kung saan assitant ako sa cruise destinations na kasama ko ang photographer. Lumipas ang mga buwan ng matiwasay at buong biyahe namin ay maayos. Nakapunta kami ng America, Latin America, Panama, Atlantic Crossing at European destinations. May mga theme ang voyages ng barko gaya ng Marco Polo at Magellan Cruise. Nagtapos ang kontrata ko na lumipas ang siyam na buwan. Marami akong naipon. May bonus pa ako ng one month.

Umuwi ako ng Pilipinas na maligaya. Hindi na ako bumalik sa MV Royal Viking Sky. Nagbakasiyun ako ng isang buwan at nagbarko ulit. Nag apply ako sa British Shipping Line ng China Navigation kung saan may chartered cruise ang MV Coral Princess sa SE Asia at Western Australia. Hotel crew ako ulit.

Nakadaong sa Hong Kong ang MV Coral Princess at dun ako nag join ng barko. Sinalubong kami ng agent at dinala sa barko. Ngkaruon ng orientation as protocol ng bawat bagong sampa. Tumagal ang orientation ng dalawang araw. Duon ako sinalubong ng isang batang bata na British Officer at tinulungan niya ako sa orientation. Sa lumaon di na siya umalis sa tabi ko at buong gabi kaming nagusap. Nagpakilala siya sa akin. Tumagal ng anim na buwan ang kontrata ko sa barko. Niligawan niya ako at tumagal ang courtship sa loob ng anim na buwan. Sinagot ko siya nung malapit ng matapos ang kontrata at last destination namin ay Port of Manila. Parang love at first sight niya ako at naging masuyo siya sa akin sa loob ng anim na buwan.

Nung dumaong ang barko sa Manila, nagkakilala ang nobiyo ko at Mama ko. Nagsabi siya na gusto niya akong pakasalan at namanhikan siya sa barko. May takot at kaba ang Mama ko sa kaniya dahil foreigner siya at baka lokohin lang daw ako. Pero pumayag na rin siya dahil nagmamahalan kami. Sa Prubinsiya ginanap ang kasal. Una sa Municipio at pagkatapos ng isang buwan sa simbahan. Maayos ang lahat at dumating ang mother niya galing UK at nakadalo sa kasal. Sa Hong Kong ang honeymoon. Nagkahiwalay kami sa Hong Kong dahil wala pa akong visa papuntang UK kaya umuwi silang dalawa ng mother niya pabalik sa Scotland at ako naman magisang umuwi ng Manila.

Inayos ko ang visa ko at pagkatapos ng three months nakuha ko ito. Pag dating ko ng Scotland nagkaruon ulit kami ng Civil Wedding kaya tatlong beses niya akong pinakasalan. Bumili siya ng sarili naming bahay at dun na nagumpisa ang buhay may asawa. Pagkatapos ng isang taon isinilang ko sa Glasgow ang panganay naming anak na lalaki. Pagkatapos ng isang buwan inuwi ko ng Pilipinas ang anak ko. Duon kami nagtagal sa mga magulang ko sa prubinsiya. Dun ko pinalaki ang anak ko. Kada apat na buwan umuuwi si Kirk. Ito na ang umpisa ng pagpapamilya namin hanggang dumating ang pangalawa, pangatlo at bunsong anak namin.

Dumating ang panahon na dinagsa kami ng krisis sa pamilya at hinamon ako ng hiwalayan ni Kirk. Nagkahiwalay kami subalit nawala siya sa buhay namin. Hindi niya nakapiling ang mga anak namin sa paglaki. Lumipas ang panahon at nagkamulat ang mga anak ko. Nagtapos sila ng pagaaral at nagkaruon ng sariling buhay.

Sa ngayun maayos na ang lahat sa buhay namin at panatag na ang lahat. Dito nagtatapos ang buod ng kabanata sa buhay ko.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.